6 қыркүйектен 31 қазанға дейін ҚР Ұлттық кітапханасының мамандары: С. Т. Тұяқова, әлем әдебиеті қызметінің жетекшісі, Г. С. Енсебаева, қорларды сақтау қызметінің жетекшісі, Д. О. Нұрмұхамбетова, сирек кітаптар мен қолжазбалар қызметінің жоғары дәрежелі жоғары деңгейлі маманы, Ресей мемлекеттік кітапханасы ұйымдастырған «Кітапхана қорын сақтау негіздері» (46 академиялық сағат), «Кітапхана қорының қауіпсіздігі» (62 академиялық сағат) бағыттары бойынша біліктілікті арттырудың білім беру бағдарламаларының цикліне онлайн форматта қатысты.

Бағдарламалардың мақсаты - кітапхана қорының сақталуы мен қауіпсіздігін қамтамасыз ету кезінде кітапхана мамандарына қажетті негізгі білімді қалыптастыру.

Оқу аяқталғаннан кейін ҚР Ұлттық кітапханасының қызметкерлері тестілеуден сәтті өтіп, біліктілігін арттыру туралы куәлік алды.

Әріптестерімізді құттықтаймыз!