24 мамырда Н. Дәулетова атындағы залда «Түрксой» басылымдарын ҚР Ұлттық кітапханасына табыстау рәсімі өтті.

Іс-шараны ҚР Ұлттық кітапханасының директоры Оспанова Бақытжамал Қайырбекқызы ашып, ҚР Ұлттық кітапханасының ғылыми хатшысы,  Халықаралық «Алаш» әдеби сыйлығының лауреаты Жүнісбеков Болат Жүнісбекұлы жүргізді.  

Кездесуде  белгілі ақын,  профессор,  ҚР Жазушылар одағы басқармасы төрағасының орынбасары Бауыржан Жақып сөз алып, «Түрксой»-дың қызметі туралы жан-жақты тоқталды. Түркі мәдениетінің халықаралық ұйымы - «Түрксой»-дың бас хатшысы, қырғыз жазушысы, мемлекет және қоғам қайраткері  Раев Сұлтан  Әкімұлы түркі мәдениеті мен әдебиеті турасында тағылымды ой қозғады.

Сөз сөйлеген қонақтар: жазушы, Қазақстанның еңбек сіңірген қайраткері Смағұл Елубай; жазушы, профессор, «Президент және халық» газетінің бас редакторы Марат Тоқашбаев; жазушы, драматург, ҚР Еңбек сіңірген қайраткері  Ахметжан Әшири Ақсупиұлы; жазушы, профессор, Әдебиет және өнер институтының қызметкері Нұрдәулет Ақыш;  жазушы, журналист Қайым-Мұнар Табеев; әдебиеттанушы, филология ғылымдарының докторы, профессор Дандай Ысқақ;  қоғам қайраткері Асылы Осман Әлиқызы; ақын, «Серпер»  жастар сыйлығының лауреаты Саят Қамшыгер және т.б.

Шара соңында «Түрксой» ұйымының бас хатшысы Раев  Сұлтан Әкімұлы қорытынды сөз сөйлеп, ҚР Ұлттық кітапханасының директоры Оспанова Бақытжамал Қайырбекқызына  Алғыс хат табыстады.

 Ұлттық кітапханамыздың атынан Оспанова Бақытжамал Қайырбекқызы Сүлеймен Бақырғанидың «Хикмат Хазірет Сұлтан Әл-Ғарифин» атты кітабын «Түрксой» ұйымына сыйлады.

 Қазақстан Республикасы  Ұлттық кітапханасының қорына  қазақтың бас ақыны Абай Құнанбаев, жыр алыбы Жамбыл,Сәкен Сейфуллин, Ілияс Жансүгіров, Бейімбет Майлин туралы «Үш арыс», Мұқағали Мақатаев, Олжас Сүйлейменов сияқты біртуар тұлғаларымыз туралы 100-ден астам қазақ, қырғыз, өзбек, түрік, әзірбайжан тілдерінде Халықаралық «Түрксой» ұйымынан шыққан кітаптар сыйға тартылды.

Қатысушылар: белгілі қоғам қайраткерлері, ақын-жазушылар, кітапханашылар және т.б.