13 қыркүйекте Н. Дәулетова атындағы залда тәуелсіз еліміздің өсіп өркендеуі мен даму жолында еңбек етіп жүрген әр түрлі сала мамандары мен жеке кәсіпкерлерді «Ел жанашыры» төсбелгісімен марапаттау рәсімі өтті.

Іс-шараны ҚР Ұлттық кітапханасының директоры Оспанова Бақытжамал Қайырбекқызы құттықтау сөзбен ашты.

Шараны ұйымдастырушы: Ұлт Жанашыры, Ел Жанашыры кітабының авторы, қоғам қайраткері, жеке кәсіпкер Динара Бердімұрат.

Шарада ел жанашырларының, еңбекшіл жандардың ісін ел есінде қалдыру мақсатында, мемлекетіміздің дамуына үлес қосып, елеулі еңбектерімен ел алғысын алып жүрген әр түрлі сала мамандары мен жеке кәсіпкерлерді «Ел жанашыры» төсбелгісімен және Аманат партиясының Жетісу аудандық филиалының алғыс хатымен марапаттады.