29 тамызда Қазақстан Республикасы Ұлттық кітапханасының Н.Дәулетова атындағы залында Тәжікстан Республикасының Қазақстандағы мәдени күндері аясында Қазақстан Жазушылар одағы мен Тәжікстан  Жазушылары одағы мүшелерінің кездесуі өтті.

Шараға Қазақстан Республикасының Мәдениет және спорт министрі Оралов Асхат Раздықұлы мен Тәжікстан Республикасының Мәдениет министрі Давлатзода Зульфия Давлат арнайы қатысты.
⠀
Шара аясында Қазақстан Жазушылар одағы мен Тәжікстан Жазушылар одағы өзара Ынтымақтастық туралы меморандумға қол қойды.
⠀
ҚР Ұлттық кітапханасының қорынан Тәжікстан Республикасының  әдебиеті  мен мәдениетіне арналған кітап көрмесі ұйымдастырылды. Аталмыш көрмеде кітапхана қорында сақталған Тәжікстанның белгілі қаламгерлерінің еңбектері, кітаптары және тәжік композиторлары шығармаларының грампластинкалары ұсынылды.