+7 (727) 267-28-83

87d524ca 1f3a 40c5 9389 40fb7d9c8ba15 мамырда Қазақ ПЕН клубы жарыққа шығарған кітаптарды кітапханаға сыйға тарту акциясы өтті.

Қазақ ПЕН клубының бұл әдеби жобасы - ұлттық әдебиетімізді әлем жұртшылығына насихаттау және ілгерілету мақсатында қазақ әдебиетінің дамуына өлшеусіз үлес қосқан жазушылардың, қазақ классиктерінің шығармашылық мұрасын ағылшын тіліне  аударып, оқырмандарға ұсыну.

Шараны ҚР Ұлттық кітапханасының директоры, Қазақстандық Кітапханалық Одақ төрайымы Оспанова Бақытжамал Қайырбекқызы ашты.

Сөз сөйлеген қонақтар: Халықаралық Қазақ ПЕН клубының президенті, «Құрмет» орденінің иегері, журналист Бигелді Ғабдуллин; Қазақстанның еңбек сіңірген қайраткері, «Құрмет», «Парасат» ордендерінің иегері, жазушы Смағұл Елубай; жазушы Раушан Бүркітбаева-Нукенова.

Кітапхана қорына  қазақ классиктері мен ақын-жазушыларының, соның қатарында Бердібек Соқпақбаевтың «Менің атым Қожа» романы, Әбіш Кекілбаевтың «Аңыздың соңы» Олжас Сүлейменовтің «Сөз шифры», Мұқағали Мақатаевтың «Таңдамалы поэзиясы», Смағұл Елубайдың «Жалғыз сенің», Абайдың «GHAQLIA», Мұхтар Әуезовтың «Таңдағы ару» шығармалары, Герольд Бельгердің, Қажығали Мұханбетқалиев, Қалихан Ысқақов, Ұлықбек Есдәулетов, Серік Ақсұңқарұлы, Бигелді Ғабдуллиннің АҚШ пен Англияда ағылшын тіліне аударылып, жарық көрген кітаптары сыйға тартылды. Бұл кітаптардың кітапхана қорынан лайықты орын алып, сан мыңдаған оқырмандар үшін баға жетпес рухани құндылық болатыны сөзсіз.

Сонымен қатар, жазушы Раушан Бүркітбаева-Нукенова «Табун лунных ночей», «Свет кочевой звезды» атты кітаптарын және тарих ғылымдарының докторы, профессор Мухамбедия Акишев «История цивилизации непокорной степи» атты кітаптарын өз қолтаңбаларымен кітапхана қорына сыйға табыстады.

Шараға ақын-жазушылар, зиялы қауым өкілдері, кітапхана оқырмандары, кітапханашылар және БАҚ өкілдері қатысты.

1fd31838 726a 4fab 92e1 5c5b780f0b37   35c7b3a0 1800 4170 99a6 254b0d78ac9d   17ff5c39 f774 4ab2 90cc 98aa92fa39e4    
bf50f106 d2dc 44b9 9d1f 1e07fb0a6f14   ab458515 c952 4bed 9b8b f41145980a09   f80530e2 6979 4853 91c5 dfa73cea5ae3