+7 (727) 267-28-83

1e33b498 0131 4ddb a153 05b44ca6f8f2

30 наурызда ҚР Ұлттық кітапханасының Н.Дәулетова атындағы залында этнограф-ғалым, өлкетанушы, публицист Серікбол Қондыбайдың ғылыми мұрасын насихаттау мақсатында «Серікбол Қондыбайдың ғылыми мұрасы. Ұлттық гуманитарлық білім стратегиялары және руханият» атты халықаралық ғылыми-практикалық конференция өтті.

Ұйымдастыраушылар: әл-Фараби атындағы Қазақ Ұлттық университеті, «Аспандау» ғылыми-білім беру қоры, ҚР Ұлттық кітапханасы, К. Сағадиев атындағы Халықаралық бизнес университеті.
Конференцияны әл-Фараби атындағы ҚазҰУ-нің философия және саясаттану факультетінің деканы, философия ғылымдарының кандидаты, қауымдастырылған профессор Бекжан Мейірбаев жүргізді.

Іс-шарада ҚР Мемлекеттік сыйлығының иегері, философия ғылымдарының докторы, профессор Мұрат Сәбит; абайтанушы, ағартушы, драматург, аудармашы, баспагер Роллан Сейсенбай; Серікбол Қондыбайдың ұстазы, әл-Фараби атындағы ҚазҰУ профессоры Лариса Веселова; қоғам қайраткері Балсұлу Қондыбай, «Аспандау» ғылыми-білім беру қорының президенті Арнұр Нұрқатов сөз сөйлеп, Серікбол Қондыбайдың ғылыми мұрасына тоқталып, конференция жұмысына сәттілік тіледі.

Конференцияда 5 тақырыптық секция бойынша баяндамалар оқылды.
Тақырыптары:
1. Серікбол Қондыбай еңбектерінің ұлттық және әлемдік ғылыми кеңістіктегі тарихи-мәдени маңызы.
2. Серікбол Қондыбай және түрік-қазақ мифологиясы.
3. Адамзат мәдениетінің дамуындағы мифология.
4. Мифті зерттеу және философиялық түсіну тарихы.
5. Қазіргі мифология. Жаһандану және күнделікті дағдарыс.

Конференция «Мифология: кеше және бүгін» атты дөңгелек үстелге жалғасып, конференцияда оқылған баяндамалар талқыланды. Талқылау барысында К.Сағадиев атындағы Халықаралық бизнес университеті студенттерінің жобалары қатысушылар назарына ұсынылды.

Шара аясында ҚР Ұлттық кітапханасы қорынан «Серікбол Қондыбай әлемі » атты өмірі мен шығармашылығына арналған кітап көрмесі ұйымдастырылды. Сондай-ақ, дәстүрлі әншілер, халықаралық, республикалық конкурстардың лауреаттары Санат Исаев және Ерлан Мұхамет ән шырқады.

Конференция онлайн және офлайн (zoom) форматында өтті.

Қатысушылар: белгілі ғалымдар, тарихшылар, академиктер мен профессорлар, зиялы қауым өкілдері және БАҚ өкілдері.

71144ecd b076 4257 807c 5cc8447e206e   a67eeb36 85a4 4aa4 b664 a6d612acb7cc   d6c2cfcc 4a3d 44ba 956b 3d41ecf3aaf3