KZ     RU     ENG
Сәрсенбі, 14 Қараша 2018



 
ДС СС СР БС ЖМ СН ЖС
      1 2 34
56 7 8 9 1011
12 13 1415161718
19202122232425
2627282930
барлығы:  13963444
2018 жылы:  3026478
бүгiн:  10241
қазiр:  63
Негізгі бетке өту
Жаңалықтар

08.11.2018

   «Өнер» бөлімінің оқу залында домбырашы, күйші-композитор Төлеген Момбековтің 100 жылдығына арналған «Шертпе күйдің шебері» атты кітап көрмесі ұйымдастырылды.

   Төлеген Момбеков 1918 жылы қазіргі Оңтүстік Қазақстан  облысының Созақ ауданындағы «Сызған» кеңшарына қарасты Қозымолдақ елді мекенінде туған. Домбыраны бала кезінен тарта бастаған. Домбырашылық өнер Төлегеннің үрім-бұтағына дарыған. Ұлы әкесі Назар шешен әрі жыраушы болған. Әкесі Момбек те өнерден құр алақан болмаған. Төлеген 1941 жылы Ұлы Отан соғысына қатысып, 1942 жылы ауыр жараланып еліне оралады.
   Алғашқы ұстазы – өзінің атасы, атақты күйші Бапыш Қожамшаров. Атақты күйші-композитор Сүгір Әлиевтен тәлім алды. Ол Сүгірдің «Тел қоңыр», «Бес жорға», «Шалқыма», «Жолаушының жолды қоңыры» күйлерін жаңғыртып, тың нақыштар қосып орындады. Сондай-ақ, өзі де бірқатар күйлердің авторы. Мысалы: «Қосбасар», «Салтанат», «Мешін», «Қат-қабат», «Боз інгеннің бүлкілі», «Мың жылқы», «Асу», «Ел жаңа», «Анама», «Қоштасу», «Қаратау шертпесі» және т.б.
   Төлеген – шертпе күйдің ең үздік орындаушыларының бірі. Оның орындауындағы күйлер бірнеше күйтабақ болып жарық көрді. 1972 жылы Қазақ КСР-нің еңбек сіңірген өнер қайраткері атағы берілді.
   Төлеген Момбековтің шығармалары «Отырар сазы» фольклор-этнографиялық оркестрінің «Сазген», «Шертер» ансамбльдерінің репертуарында бар.
   Кітап көрмесінде ҚР Ұлттық кітапханасының қорынан Төлеген Момбековтің өмірі мен шығармашылығы туралы материалдар ұсынылған.                               

« Артқа | Барлық жаңалықтар

Соңғы жаңалықтар
Copyright © 2004-2018
Барлық құқықтары қорғалған
Қазақстан Республикасының
Ұлттық Кiтапханасы
Разработка веб-сайтов, интернет-магазинов, хостинг в Казахстане, программирование