24 қараша, сағат 18.00-де ҚР Ұлттық кітапханасының Үлкен залында жас әншілер «Favorite» тобының «Qyzgan Shaq» атты акустикалық кеші өтеді.

Кеш барысында жас әншілер естен кетпес ескі өлеңдер мен заманауи танымал әндерді жанды дауыста, кавер нұсқасында орындайды. Сондай-ақ, кеште өздерінің бірнеше авторлық әндерінің тұсауын кеседі.

«Бүгінгі жастар – еліміздің ертеңі, ұлтымыздың болашағы, мемлекетіміздің мәртебесі. Ұрпағын аялай білген халық іргелі жұртқа айналатыны белгілі. Біз халқымызды әлемге танытқан ең асыл қасиеттерді сіздердің бойларыңыздан көргіміз келеді», - деп Президентіміз Қасым-Жомарт Тоқаев айтқандай, жастардың әрбір игі бастамасына ҚР Ұлттық кітапханасы жол ашпақ.

Келем деуші қонақтардың барлығына есігіміз ашық. Кіру тегін.

Қатысушылар: танымал әншілер мен актерлар, студенттер, кітапхана оқырмандары мен қызметкерлері және т.б.