2024 жылғы 29 қарашада ҚР Ұлттық кітапханасының Н. Дәулетова атындағы залында қытайдың танымал жазушысы, қандасымыз ҚХР Халықтық саяси консультативтік кеңесінің экс-депутаты, жазушы, аудармашы Ақбар Мәжиттің 70 жылдығына арналған «Еркіндік туралы ертегілер» тақырыбында халықаралық ғылыми-теориялық конференция өтті.

Конференцияны белгілі әдебиеттанушы-ғалым, профессор, Қазақстанның еңбек сіңірген қайраткері Қансейіт Әбдезұлы жүргізді.
⠀
Қансейіт Әбдезұлы Акбар Мәжиттің қытай тілінде қалам тербейтін бірден-бір қазақ қаламгер екенін айта келіп, Қытай астанасындағы «Қытай жазушылары» баспа тобы директорының орынбасары, «Қытай жазушылары», «Ұлттар әдебиеті» сияқты әдеби журналдардың бас редакторы болып қызмет атқарғандығына да тоқталды.
⠀
Алғышқы сөзді белгілі жазушы Қазақстан Жазушылар одағының төрағасы Мереке Құлкенов сөйледі.
⠀
ҚР Мәдениет және ақпарат министрі Аида Балаеваның құттықтау хатын ҚР Ұлттық мемлекеттік кітап палатасының директоры Әділ Қойтанов оқыды.
⠀
Конференция барысында ақындар, жазушылар, әдебиеттанушы ғалымдар Акбар Мәжиттің шығармашылығы мен қоғамдық-саяси қызметіне тоқталды.
⠀
Шара аясында ҚР Ұлттық кітапханасының қорынан Акбар Мәжиттің өмірі мен шығармашылығына арналған кітап көрмесі ұйымдастырылды.
⠀
Конференция барысында атақты жазушы, телевизия, кино, баспа салаларында жауапты қызметтер атқарып келе жатқан, табиғат пен адам арасындағы тылсым байланысты, қарым-қатынасты насихаттап жүрген жазушы шығармалары өскелең ұрпақтың дүниетанымына қалай ықпалын тигізіп жүрген әсері қарастырылып, талқыланды.
⠀
Конференцияға отандық әрі шетелдік ғалымдар, жазушылар, мемлекеттік қызметкерлер, қоғамдық бірлестіктер және БАҚ өкілдері қатысты.