2024 жылғы 22 қарашада ҚР Ұлттық кітапханасының директоры Оспанова Бақытжамал Қайырбекқызы мен директордың ақпараттық технологиялар және инновациялар жөніндегі орынбасары Искалиева Нурия Аманғалиқызы Қазақ ұлттық қыздар педагогикалық университетінің Сералы Қаниев атындағы ғылыми кітапханасының жаңартылған ғимаратының ашылу салтанатына қатысты.
Шара аясында Сералы Қаниев атындағы ғылыми кітапханасы директорының орынбасары Лапо Петр Михайлович кеш қонақтарына күрделі жөндеуден өткен кітапхана ғимаратына экскурсия жүргізді.
ҚР Ұлттық кітапханасының директоры Бақытжамал Оспанова ғылыми кітапхана ұжымын жаңартылған ғимараттың ашылуымен құттықтады.
Сондай-ақ EBSCO-ның Қазақстандағы өңірлік өкілі Александр Рытов, Қаскелен мәдениет колледжінің директоры Саят Ақбаев, Қазақ-Ресей медициналық университеті кітапханасының директоры Маржан Валиуллина және Алматы қаласындағы жоғары оқу орындары кітапханаларының директорлары кітапхана ұжымын құттықтап, жұмыстарына сәттілік тіледі.
Қазақ ұлттық қыздар педагогикалық университетінің Сералы Қаниев атындағы ғылыми кітапханасы директоры Өтегенова Әсем Мұхтарқызы кітапхананың жұмысы мен алдағы жоспарлары туралы, университетте өткізілетін біліктілікті арттыру курстары жайында ақпарат беріп, кеш қонақтарына алғысын білдірді.
 |
 |
 |
 |
|||
 |
 |
 |
 |