2024 жылғы 20 қарашада ҚР Ұлттық кітапханасының Н. Дәулетова атындағы залында Берлиндегі Рейхстагқа жеңіс туын тіккен қазақ азаматы, Халық қаһарманы Рақымжан Қошқарбаевтың туғанына 100 жыл толуына орай «Халық қаһарманы ‒ Рақымжан Қошқарбаев» атты әдеби-музыкалық кеш өтті.

Кешті тарихшы, ғалым, алаштанушы Елдос Тоқтарбай жүргізді.

Батырға арналған танымдық кештің алғашқы сөзді ардагер диктор, Серіков Аманжан Еңсебайұлы Рақымжан Қошқарбаев туралы өз естелігімен бөлісті.

Кештің мазмұнын байытқан құрметті қонақтардың бірі Р. Қошқарбаевтың қызы Алия Қошқарбаева да әкесі туралы ыстық естеліктерін шараға қатысушы қонақтарға баяндап берді.

Іс-шара барысында М. Мақатаев атындағы 140-гимназиясының «Берекет» балалар хоры, Ұлттық Ұланның курсанты Досжанов Олжас Абдрасулұлы «Өз елім» әнін, ҚР Мемлекеттік күзет қызметінің курсанты Естай Бекзат Естайұлы «Мен қазақтың баласы» әнін, С. Асфендияров атындағы медицина университетінің доктаранты Раушан Айбек Қарақұлұлы «Нурикамал» әнін шырқаса, ҚР Мемлекеттік күзет қызметінің курсанты Арықбаев Мирас Балтабайұлы «Қазақтың ұлымын» атты әндерін шырқады және Аймаханов Нұрдәулет Бахытұлы да өз өнерін ортаға салды.

ҚР Ұлттық кітапханасының жас мамандары Алқамбай Аяулым, Әжібекова Зарина, Абайхан Жанболат поэзиядан шашу шашты.

Шарада ‒ қазақ халқының маңдайына біткен батырдың ерен ерлігін елеп, ұрпаққа насихатталып, жас ұрпақтың бойына отан сүйгіштік сезімдерін ұялату мақсатында бейне баяндар көрсетіліп, кітап көрмесі де ұйымдастырылды.

Іс-шараға ҚР ҰҚК Шекара қызметі Жетісу облысы бойынша департаментінің жеке құрамы, Қазақстан Республикасы Мемлекеттік күзет қызметінің курсанттары, Қазақстан Республикасы Ұлттық ұланы «Оңтүстік» Өңірлік курсанттары, UIВ Көпсалалы колледжі, №46 мектеп гимназиясы, студенттер, кітапханашылар, жастар және т.б. оқырманда қатысты.