2024 жылғы 15 қарашада Қазақ ұлттық қыздар педагогикалық университетінің 80 жылдық мерейтойына орай «Ұстазға тағзым» атты іс –шара өтті.

Іс-шара оқу орданың білім беру және ғылым саласындағы жетістіктері мен шәкірт даярлаудағы орасан зор еңбегін дәріптеу мақсатында ұйымдастырылды.

2017 жылдан бастап Ұлттық кітапхана мен еліміздің жетекші жоғары оқу орындарының бірі Қазақ ұлттық қыздар педагогикалық университеті арасында келісім-шарт жасасу нәтижесінде «Кітапханатану және библиография» кафедрасының ашылуынан кейін студенттер теориялық және практикалық білімдерін шыңдауда.

ҚР Ұлттық кітапханасы мен Қазақ ұлттық қыздар педагогикалық университетін ұзақ жылдар бойғы жемісті әріптестік байланыстар біріктіріп келеді.

Шараға ҚР Ұлттық кітапханасы Ғылыми-әдістемелік қызметінің жетекшісі Маханбетова Гүлмира Абылайханқызы қатысты.

Салтанатты ашылуында Қазақ ұлттық қыздар педагогикалық университетінің ректоры Қанай Гүлмира Әмірханқызы университеттің білім және ғылым саласындағы жетістіктеріне тоқталып, 80 жылдық тарихы бар оқу орнының ұжымын мерейтойымен құттықтады.

Ғылыми-әдістемелік қызметінің жетекшісі Маханбетова Гүлмира Абылайханқызы ҚР Ұлттық кітапханасының директоры Оспанова Бақытжамал Қайырбекқызы мен ұжымның атынан Қазақ ұлттық қыздар педагогикалық университетінің 80 жылдықмерейтойына арналған құттықтау хат табыстап,«Қазақтың дәстүрлі 1000 күйі» атты үш тілде жарық көрген кітапты сыйға тартты.