2024 жылғы 14 қарашада ҚР Ұлттық кітапханасының директоры, Қазақстандық Кітапханалық Одақ төрайымы, «Құрмет» орденінің иегері Оспанова Бақытжамал Қайырбекқызы және Қорларды сақтау қызметінің жетекшісі Бектұрбекова Фатима Құралбекқызы Жамбыл облысынының Т.Рысқұлов ауданы, Құлан ауылындағы Мэлс Өзбеков атындағы аудандық мәдениет үйінде өтіп жатқан «Кітапхана және өңірдің мәдени кеңістігі» кітапханалық конвентке қатысуда.

2024 жылғы 14 қарашада ҚР Ұлттық кітапханасының директоры, Қазақстандық Кітапханалық Одақ төрайымы, «Құрмет» орденінің иегері Оспанова Бақытжамал Қайырбекқызы және Қорларды сақтау қызметінің жетекшісі Бектұрбекова Фатима Құралбекқызы Жамбыл облысынының Т.Рысқұлов ауданы, Құлан ауылындағы Мэлс Өзбеков атындағы аудандық мәдениет үйінде өтіп жатқан «Кітапхана және өңірдің мәдени кеңістігі» кітапханалық конвентке қатысуда.

Ұйымдастырушылар: Жамбыл облысы әкімдігінің мәдениет және тілдерді дамыту басқармасы, Ш.Уәлиханов атындағы Жамбыл облыстық әмбебап ғылыми кітапханасы, Т.Рысқұлов аудандық мәдениет және тілдерді дамыту бөлімі, аудандық орталық кітапхана.

Мақсаты: Өңір кітапханаларындағы өлкетану жұмыстарын жандандыру, оқырмандарға қызмет көрсету және жеке тұлғаны тәрбиелеуде өлкетану әдебиеттерін насихаттау, өлкетануды дамыту арқылы мәдени-тарихи танымды қалыптастыру, кітапхана ісіне жаңа тәжірибе жетістіктерін енгізу, кітапхана қызметінің тиімділігін сараптау дағдыларын дамыту арқылы қызметтің жаңа әдіс-тәсілдерін, ақпараттық технологиялар енгізу жұмыстарын кітапханашылар арасында кеңінен дәріптеу, мамандардың кәсіби құзыреттілігі мен олардың жаңашылдық белсенділігін жоғарлату, кадр ресурстарын дамыту.

Шараны модератор – Ш.Уәлиханов атындағы Жамбыл облыстық әмбебап ғылыми кітапханасының директоры Абдинова Эльмира Елеусізқызы жүргізді.

Шараны Жамбыл облысы әкімдігінің мәдениет және тілдерді дамыту басқармасының басшысы Жүнісбай Ерлан Нұрманұлы; Қазақстан Республикасы Ұлттық кітапханасының директоры Оспанова Бақытжамал Қайырбекқызы және Т.Рысқұлов ауданының әкімі Есіркепов Ернар Серікәліұлы құттықтау сөзбен ашты.

Сонымен қатар, Ұлттық кітапхана директоры Бақытжамал Оспанова Жамбыл облысының бірқатар кітапханашыларын Ұлттық кітапхананың «Кітапхана ісінің үздігі», «Кітапхана ісінің ардагері» төсбелгілері мен Құрмет грамоталарымен және Қазақстандық Кітапханалық Одақтың «Қазақстанның Құрметті кітапханашысы» төсбелгісімен марапаттады. Т. Рысқұлов аудандық ОКЖ қорына ҚР Ұлттық кітапханасының айырбас-резервтік қорынан 60 дана кітап сыйға табысталды.

Кітапханалық конвент аясында Бақытжамал Оспанова «Өлкетану - кітапхана қызметінің мағыналық негізі» атты тақырыпта баяндама жасады. Облыстық, қалалық, аудандық кітапханаларды басшылары және басқа да қатысушылар кітапханалық өлкетану жұмысының негізгі бағыттары жөнінде тәжірибемен бөлісті. Сондай-ақ, «Кітапханада RFID жүйесі: бүгін және болашаққа жаңа қадам» - empirical коучинг тақырыбында тәжірибе алмасу,«Маркетинг. SMM және кітапханашы. Медиа және ақпараттық сауаттылық» тренингі ұсынылып, «Кітапхана - жетістік алаңы: кітапханалық мәдениет - тең жағдайдағы диалог» - коммуникативті тимбилдингі ұйымдастырылды.

Қатысушылар «Құт береке дарыған, киелі мекен – Құлан елі» этно-ауыл көрме-галлереясымен танысты.

Қатысушылар: Облыстық, қалалық, аудандық кітапханалар директорлары, әдістемелік және қызмет көрсету бөлімдерінің меңгерушілері, кітапхана мамандары және балалар мен жасөспірімдерге қызмет көрсететін бөлімдер қызметкерлері.