2024 жылғы 25 қазанда ҚР Ұлттық кітапханасында қазақ әдебиетінің классигі, Қазақстанның халық жазушысы Әбдіжәміл Нұрпейісовтің 100 жылдығына арналған Халықаралық жазушылар конференциясы өтті.

Конференцияның модераторы - Қазақ ПЕН клубының президенті, прозашы, журналист, Халықаралық ПЕН клубы сыйлығының лауреаты Бигелді Ғабдуллин.

Шарада ҚР Мәдениет және ақпарат министрлігі Архив, құжаттама және кітап ісі комитетінің төрағасы Рустам Али; Алматы қаласы әкімінің Әдеп жөніндегі уәкілі Мамай Ахетов; Қызылорда облысы әкімінің орынбасары Шахмардан Байманов; Қазақстан Жазушылар Одағы басқармасының төрағасы Мереке Құлкенов құттықтау сөз сөйледі.

Сонымен қатар, ресейлік саясаткер, жазушы және баспагер Георгий Пряхин; әйгілі француз жазушысы, саяхатшысы және аудармашысы Ив Готьен; түрік жазушысы Икрами Өзтуран; өзбек ақыны, драматург, прозашы, тарихшы және аудармашы Хуршид Даврон; Қазақстанның халық жазушысы, кинодраматург, Түркі әлемі әдеби сыйлығының лауреаты Смағұл Елубай; белгілі қазақ ақыны, ҚР Мемлекеттік сыйлығының лауреаты Нұрлан Оразалин; Литвадан келген белгілі орыс жазушысы Эргали Геран; қырғыз прозашысы, кинорежиссер, сценарист, продюсер Далмира Тілепберген; белгілі қазақстандық әдебиеттанушы Светлана Ананьева сөз сөйлеп, Әбдіжәміл Нұрпейісовтың өмірі мен шығармашылғына тоқталып, естеліктермен бөлісті.

Шара аясында белгілі кинорежиссер, сценарист, халықаралық сыйлықтардың лауреаты Сергей Әзімовтың "Соңғы сапар" фильмі көрсетіліп, ҚР Ұлттық кітапханасының қорынан Әбдіжәміл Нұрпейісовтың өмірі мен шығармашылығына арналған “Әдебиеттің әлменді ақиығы” атты кітап көрмесі ұйымдастырылды.

Конференцияға отандық және шетелдік белгілі жазушылар, ғалымдар мен БАҚ өкілдері қатысты.