«24 қазан – Кітапханашы күні» мерекесіне орай «Кітапхана – парасат ордасы» атты салтанатты мерекелік шарада ҚР Ұлттық кітапханасының бірқатар қызметкерлері марапатталды:

ҚР Мәдениет және ақпарат министрлігінің ведомстволық наградасы «Еңбек ардагері» төсбелгісімен ҚР Ұлттық кітапханасы Ғылыми-әдістемелік қызметінің жетекшісі Маханбетова Гүлмира Абылайханқызы;

Қазақстан Республикасы Мәдениет және ақпарат министрінің Құрмет грамотасымен ҚР Ұлттық кітапханасының Ақпараттық ресурстар қызметінің топ жетекшісі Авелбекова Күляш Дүйсенбекқызы және ҚР Ұлттық кітапханасының Қорларды сақтау қызметінің топ жетекшісі Смағұлова Гаухар Олжақұлқызы;

Қазақстан Республикасы Мәдениет және ақпарат министрінің Алғыс хатымен ҚР Ұлттық кітапханасының Қорды толықтыру қызметінің кітапханашысы Нүсіпбекова Гүлбану Тұрсынқұлқызы;

«Қазақстандық салалық мәдениет, спорт, туризм және ақпарат қызметкерлерінің кәсіптік одағының» «Еңбек даңқы» төсбелгісімен ҚР Ұлттық кітапханасы Әлем әдебиеті қызметінің жетекшісі Тұяқова Сәлима Тоқтасынқызы және Ұлттық библиография қызметінің жетекшісі Тәшімбетова Мейіркүл Қуандыққызы;

«Оңтүстік» өңірлік қолбасшылығының «Ұлттық Ұлан қызметінің үздігі» кеудебелгісімен ҚР Ұлттық кітапханасының директоры Оспанова Бақытжамал Қайырбекқызы мен Көрмелер және мәдени бағдарламалар қызметінің жетекшісі Әбдікерімова Жанар Алпысбайқызы және аталған ұйым басшысының алғыс хатымен ҚР Ұлттық кітапханасының жас мамандары марапатталды.