2024 жылғы 9 қазанда Шымкент қаласындағы Әл-Фараби атындағы кітапханаға 10 жыл толуына орай «Кітапхана – өркениет мұрасы» атты республикалық конференциясы өтті.

Конференцияға ҚР Ұлттық кітапханасының директоры, Қазақстандық Кітапханалық Одақ төрайымы Оспанова Бақытжамал Қайырбекқызы мен директордың кітапханалық жұмыстар жөніндегі орынбасары Юсупова Ажар Хамитқызы және «Республикалық жас кітапханашылар ұйымының» менторы, ҚР Ұлттық кітапханасы «Жастар кеңесінің» төрағасы Ерден Серікханұлы Кабдрашидов қатысты.

Шара аясында ҚР Ұлттық кітапханасының директоры Б. Қ. Оспанова мен директордың кітапханалық жұмыстар жөніндегі орынбасары А. Х. Юсуповаға кітапхана бойынша экскурсия ұйымдастырылды.

Конференция модераторы ф.ғ.к., М.Әуезов атындағы ОҚУ (Шымкент қ.) Саясаттану кафедрасының меңгерушісі Сәкен Аралбайұлы Мәжінбеков болды.

Республикалық конференция аясында ҚР Ұлттық кітапханасының айырбас-резервтік қорынан Әл-Фараби атындағы кітапханаға сыйға тартқан 2500 кітаптан кітап керуені ұйымдастырылды.

Шарада құттықтау сөз сөйлегендер: Шымкент қаласы әкімінің орынбасары С. А. Құранбек; ф.ғ.д. докторы, Әл-Фараби атындағы ҚазҰУ профессоры Ж.А. Алтаев; этно-дизайншы, сазсырнайшы, қобызшы-фарабист К. Қарабдалов; т.ғ.к., Ө.Жәнібеков атындағы ОҚПУ доценті Қ. С. Анарбаев; ҚР Ұлттық кітапханасының директоры, Қазақстандық Кітапханалық Одақ төрайымы, «Құрмет» ордені мен «Мәдениет саласының үздігі» төсбелгісінің иегері Б. Қ. Оспанова; ҚР Ұлттық академиялық кітапханасының директоры Ғ. Қ. Нұрғалиева;«Республикалық жас кітапханашылар ұйымының» менторы, «Жастар кеңесінің» төрағасы Е.С. Кабдрашидов; ф.ғ.к., Әл-Фараби атындағы қалалық ғылыми-әмбебап кітапханасының директоры А. А. Жапарқұлова.

Шара барысында «Әл-Фараби кітапханасы – өркениет мұрасы» бейнефильмі көрсетіліп, Ж.Шанин атындағы қазақ академиялық драма театрының әртісі Д. Аралбаев Әл-Фараби монологын оқыды.

Шара соңында кітапхана қызметкерлеріне марапаттар табысталды: