2024 жылғы 27 қыркүйекте «Нобель» ЖШС бас директоры, Ойыл аудандық қолдау тобының жетекшісі Нұрлан Нұрымжанұлы Жұмағалиев пен Олег Геннадиевич Ярошенконың құрастыруымен жарық көрген «Ойыл: история в архивных документах»  атты кітаптың бірнеше данасы ҚР Ұлттық кітапханасына сыйға тартылды.

Бұл кітапта Ақтөбе облысының солтүстік-батысында орналасқан Ойыл ауданының байлығын, жергілікті тұрғындардың төзімділігін, батылдығын,  сондай-ақ бұрыннан қызмет еткен және онда өмір сүрген адамдардың қайталанбас ерлігі мен қонақжайлылығын белгілі бір хронологиялық ретпен баяндайды. Оқырман осы кітап арқылы сол өлкенің шаруашылықты игеру жолында аға ұрпақтың жасаған ерен еңбегі, тұрғылықты халықтың дәстүрі мен мәдени құндылықтары туралы көп мағлұмат ала алады.