2024 жылғы 24 қыркүйекте ҚР Ұлттық кітапханасының директоры, Қазақстандық Кітапханалық Одақ төрайымы Оспанова Бақытжамал Қайырбекқызы мен директордың кітапханалық жұмыстар жөніндегі орынбасары Юсупова Ажар Хамитқызы А.С. Пушкин атындағы Шымкент қалалық әмбебап кітапханасының 125жылдық мерейтойына орай ұйымдастырылған «Кітапхана: Іздену. Жаңалық. Болашақ» тақырыбында халықаралық ғылыми-тәжірибелік конференцияға қатысты.

Ұйымдастырушы: А.С. Пушкин атындағы Шымкент қалалық әмбебап кітапханасы.

Конференция мақсаты: Қазақстан Республикасы мен шетел кітапханаларының жұмыс тәжірибесімен алмасу, кітапханалық инновациялық технологиялармен танысу.

Қатысушылар: РФ, АҚШ-тың Алматыдағы Бас консулдығы; Мәскеу қаласы Пушкин атындағы кітапханасы; А.Науаи атындағы Өзбекстан Ұлттық кітапханасы (Ташкент қ.); ҚР Ұлттық кітапханасы(Алматы қ.); ҚР Ұлттық академиялық кітапханасы(Астана қ.); ҚР Суретшілер одағының Шымкент қалалық филиалы; VISIT Shymkent.

Конференция қатысушыларын мерекелік концертпен қарсы алып, оларға кітапхана бойынша экскурсия жүргізілді.

ҚР Ұлттық кітапханасының директоры, Қазақстандық Кітапханалық Одақ төрайымы Оспанова Бақытжамал Қайырбекқызы БАҚ өкілдеріне сұхбат берді.

Конференцияның ашылу салтанатында Оспанова Бақытжамал Қайырбекқызы Қазақстандағы ең көне кітапханалардың бірі, А.С.Пушкин атындағы Шымкент қалалық әмбебап кітапханасы ұжымын 125 жылдық мерейтойымен құттықтады.

Қазақстандық Кітапханалық Одақ атынан еңбегі елеулі кітапханашыларды «Қазақстанның Құрметті Кітапханашысы» төсбелгісімен марапаттады.

Пленарлық отырыста ҚР Ұлттық кітапханасының директоры, Қазақстандық Кітапханалық Одақтың төрайымы Оспанова Бақытжамал Қайырбекқызы «Халықаралық ынтымақтастық - Қазақстан Республикасының Ұлттық кітапханасын әлемдік мәдени-ақпараттық кеңістікке интеграциялаудың маңызды басымдылығы"» тақырыбында баяндама жасады.