2024 жылғы 20 қыркүйекте ҚР Ұлттық кітапханасында дәстүрлі түрде ұйымдастырылатын – «KitapTime – 2024» ІІІ жалпы республикалық кітап фестивалі аясында ҚР Ұлттық кітапханасында Qyr balasy қоғамдық қорының «Алаш – ұлтты оятқан рухты сөз!» атты кітаптың таныстырылымы өтті.

Шарада аталмыш қордың «Ұлтты оятқан ұлы сөз» сериясы бойынша А. Байтұрсынұлы, Ә. Бөкейхан, М. Дулатұлы, М. Шоқай, Х. Досмұхамедұлының кітаптары, ал «Алаш кітапханасы» сериясымен Нұғыман Манайұлының жинағы және «С.Б. Алашинский», «Жетісудағы Алаш тарихы», «Алаш тарихы: Ресейдегі Алаш ізі» және де ҚР Ұлттық кітапханасының тұңғыш директоры Ораз Қиқымұлының 125 жылдығына орай шығарылған кітаптың тұсауы кесілді.

Игі шараға белгілі ғалымдар, Алаш қайраткерлерінің ұрпақтары, жас ғалымдар мен БАҚ өкілдері қатысты.

Шара барысында Qyr balasy қоғамдық қоры ҚР Ұлттық кітапханасына әр кітаптың 5 данасын сыйға тартты.