2024 жылғы 20 қыркүйекте Қазақстан Республикасының Ұлттық кітапханасы, М.И.Рудомино атындағы Бүкілресейлік мемлекеттік шетел әдебиеті кітапханасы, академик И.Э.Грабарь атындағы Бүкілресейлік көркем ғылыми – қалпына келтіру орталығы ұйымдастырған «Құжаттарды консервациялау және қалпына келтіру - кітапхана қорларының сақталымын қамтамасыз ету негізі» атты халықаралық семинар – тренинг өз жұмысын аяқтады.
Семинар Орталық Азия бойынша IFLA/РАС сақтау және консервациялау жөніндегі аймақтық орталығының және ҚР Ұлттық кітапханасы Жазба құжаттарды консервациялау және қалпына келтіру мектебінің қызметі аясында ұйымдастырылды. Семинардың бесінші күні Қырғызстан мен Ресей өкілдері, сондай-ақ деректі мәдени мұраны сақтау және қалпына келтіру саласында тәжірибесі бар Қазақстан кітапханаларының, архивтер мен мұражайлардың сақтаушы мамандары қорытынды іс-шарада кездесті.
ҚР Ұлттық кітапханасының және Орталық Азия бойынша IFLA/РАС сақтау және консервациялау жөніндегі аймақтық орталығының директоры, Қазақстандық Кітапханалық Одақ төрайымы Оспанова Бақытжамал Қайырбекқызы құттықтау сөз сөйледі. Қырғызстан, Ресей өкілдерінен, Қазақстан реставраторлар қауымдастығынан алғыстар айтылып, баяндамашылар тарихи-мәдени деректі мұраны сақтау саласындағы кәсіби білім деңгейін арттыру қажеттігін және өзге елдердің әріптестерімен ынтымақтастықтың маңыздылығын атап өтті. Бұдан әрі Қырғызстаннан, облыстық кітапханалардан, Қазақстанның архивтері мен мұражайларынан келіп, семинарға қатысқан мамандарға сертификаттар табысталды.
 |
 |
 |
 |
|||
 |
 |
 |
 |
|||
 |
 |
 |
 |