2024 ж. 28 тамызда ҚР Ұлттық кітапханасының Әдебиет академиясы залында  «Жас қалам» әдеби клубының ұйымдастыруымен Қазақстан Республикасының Конституциясы күніне арналған «Тәртіп – тәрбие бастауы» атты поэзиялық кеш өтті.

Іс-шара барысында қоғам қайраткері, ғалым, Халықаралық адам институтының президенті Жанұзақ Әкім және сыншы, ғалым, филология ғылымдарының докторы, профессор Дандай Ысқақ сөз сөйлеп, жас ақындар: Әйгерім Төкен, Ләззат Исабаева, Бақытгүл Тұрсынбаева өз өлеңдерін оқыды.

Кешке жас ақындар, студенттер, оқырмандар, кітапхана қызметкерлері қатысты.

Кешті ақын, Қазақстан Жазушылар одағының мүшесі, ҚР Ұлттық кітапханасы жанындағы «Жас қалам» клубы «Әдебиет әлемі» орталығының жетекшісі, «Тұлға-достық» қоғамдық қорының директоры, Халықараралық Түрксой ұйымы Бас хатшысының кеңесшісі  Мұратхан Шоқан жүргізді.