Әлем әдебиеті залында көрнекті француз жазушысы Александр Дюманың (әкесі) туғанына 222 жыл толуына орай кітап көрмесі ұйымдастырылды.

Александр Дюма (әкесі) – француз жазушысы, драматург және журналист, 1802 жылы 24 шілдеде Францияда дүниеге келген. Оның қаламынан пьесалар, мақалалар мен романдар туындаған.

Александр Дюма - екі жүз жылға жуық уақыт бойы ең көп оқылған әлемдік авторлардың бірі, оның романдары әлемнің көптеген тілдеріне аударылған. Оқырмандардың пікірлері қазіргі уақытта да Дюма шығармаларының рейтингін арттыруды жалғастыруда. Оның ең үздік туындыларының тізіміне: «Охота и любовь» (1825), «Генрих III и его двор» (1829) пьесаларын, «Генрих Наваррский», «Три мушкетера» циклдері мен «Габриэль Ламбер» тарихи-шытырман оқиғалы романын; «Граф Монте-Кристо»; «Записки полицейского» романдарын енгізуге болады. Автордың барлық шығармалары оқырманды соңына дейін оқуға қызықтыруымен ерекшеленеді.

Кітап көрмесінің мақсаты - оқырмандарды көрнекті француз жазушысының шығармашылығымен таныстыру.

Көрмеде көптеген жылдар бойы оқырмандар арасында танымал болған әлемнің әртүрлі тілдеріндегі Дюманың ең жақсы туындылары қойылған. Оның шытырман оқиғалы романдары рыцарлық тектілігімен, батылдығымен, достық пен махаббатқа деген адалдығымен, қазіргі қоғамда жетіспей жататын қасиеттерімен оқырманды өзіне баурап алады.

Кітап көрмесі Александр Дюманың өмірі мен қызметі жайлы ақпарат беретін өмірбаяндық, әдеби сипаттағы кітаптардан құралған. Француз жазушысының өмірбаяны Максим Чертановтың «Дюма» (2014) еңбегінде толығырақ қамтылған. Ал, Андре Моруаның «Три Дюма» (1982) кітабы оқырмандар мен әдебиеттанушылардың қызығушылығын тудырады.

Көрменің едәуір бөлігі француз жазушысы шығармаларының өмірлік басылымдарынан тұрады: «Три мушкетёра» (1844) жалғасы – «Двадцать лет спустя» (1845) және «Виконт де Бражелон. Сондай-ақ, Ещё десять лет спустя» (1847-1850), «Граф Монте-Кристо» (1844-1845), «Графиня де Монсоро» (1846), «Фернанда» (1844), «Графиня де Шарни» (1869), «Анж Питу» (1851), «Консьянс блаженный» (1852); «Предсказание» (шамамен 1854-58 жылдары жарық көрді) және т.б.

Сонымен қатар, көрменің бір бөлімі ХХ ғасырда жарық көрген басылымдарына арналған.

Кітап көрмесін тамашалауға шақырамыз!