28 маусымда ҚР Ұлттық кітапханасының Н.Дәулетова атындағы залында белгілі қоғам және мемлекет қайраткері, ғалым-тарихшы және қоғамтанушы, Ресей жаратылыстану ғылымдары академиясының, «Халықаралық Ақпараттандыру Академиясы» ҚБ академигі, тарих ғылымдарының докторы, профессор Саттар Фазылұлы Мәжитовтың 60жас мерейтойына арналған «Интеллектуалды-цифрлық трансформация жағдайындағы тарих және әлеуметтік гуманитарлық ғылымдар» тақырыбында халықаралық ғылыми-тәжірибелік конференция және мерейтой иесінің «Қазақ даласындағы халық-азаттық қозғалыс: Тарих. Теория. Тарихнама» атты монографиясының тұсаукесері өтті.

Шараны Ш. Уәлиханов ат. Тарих және этнология институтының директоры Зиябек Ермұқанұлы Кабульдинов ашып, ҚР Ғылым және жоғары білім министрі Саясат Нұрбектің құттықтау хатын тапсырды.

Конференция модераторы Алматы қаласы Азаматтық альянсының төрағасы Қайыржан Саясатұлы Әбдіхалықов болды.

Алматы қаласының Мәдениет басқармасы мәдени көпшілік іс-шаралар ұйымдастыру бөлімінің басшысы Халбеков Арман Бейсембайұлы сөз сөйлеп, ҚР Оқу-ағарту министрі Ғани Бектайұлы Бейсембаев пен Алматы қаласы әкімінің орынбасары Шаханов Бейбіт Маратханұлының құттықтау хатын табыстады.

Сондай-ақ, ҚМДБ Төрағасының орынбасары Кенжеәлі Қоңыратбайұлы Мырзабаев ҚР Бас Мүфтиі Наурызбай Тағанұлы Өтпеновтің құттықтауын табыстады.

Сөз сөйлеген қонақтар: Қазақстан Ғалымдар одағының Президенті, академик Оразалы Сәбденұлы Сәбден, ХАА-ның бірінші вице-президенті Алексей Филиппович Цеховой, ҚР ОМА Әлеуетті зерттеулер орталығының басшысы Зира Маймаковна Төленова, қоғам қайраткері Асылы Әлиқызы Осман, К.Ш. Токтомаматов ат. Халықаралық университетінің профессоры Женишбек Аматысакович Дуйшеев және т.б.

Қатысушылар: қоғам қайраткерлері, ғалымдар, оқытушылар, докторанттар, магистранттар, журналистер, мұғалімдер, студенттер, еліміздің өңірлерінен, сондай-ақ, Грузия, Қырғызстан, Өзбекстан, Ресей Федерациясы, Үндістан және т.б. елдерден келген қонақтар.