+7 (727) 267-28-83

32e48f3b 8709 432f 8390 6ef93bbca60b

13 сәуірде Алматы мемлекеттік гуманитарлық-педагогикалық колледжінде өткен «Құқықтық нигилизм-сыбайлас жемқорлықтың негізі» атты семинарға ҚР Ұлттық кітапханасы директорының Ақпараттық технологиялар және инновациялар жөніндегі орынбасары, «ЖАҢАРУ» РҚБ АҚҚ Кеңесінің мүшесі Н.А. Искалиева қатысты.

Семинарды ұйымдастырушылар: «ЖАҢАРУ» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Алматы қалалық филиалы, Қазақстан Республикасының Ұлттық кітапханасы.

Н.А. Искалиева «Сыбайлас жемқорлықтың алдын алу мәселелерінде еліміздің жетекші ақпараттық және білім беру орталығы - Қазақстан Республикасы Ұлттық кітапханасының рөлі» атты баяндама жасады.

Сыбайлас жемқорлық құқық бұзушылық сияқты әлеуметтік құбылыстың азаматтық-құқықтық аспектілеріне арналған «Сыбайлас жемқорлыққа қарсы күрес - мемлекет қауіпсіздігі үшін күрес» атты тұрақты жұмыс істейтін кітап-иллюстрациялық көрме туралы айтып берді.

Оқытушылар мен студенттер «Адалдық алаңы» жобасы аясында ашылған ҚР Ұлттық кітапханасының «Парасат жолы» орталығының жұмысына ерекше қызығушылық танытты. «Парасат жолы» орталығының ашылуына Қазақстан Республикасының Сыбайлас жемқорлыққа қарсы іс-қимыл агенттігі мен Қазақстан Республикасының Мәдениет және спорт министрлігі бастамашы болды.

Алматы мемлекеттік гуманитарлық-педагогикалық колледжінің оқытушылары мен студенттері үшін ҚР Ұлттық кітапханасы туралы деректі фильм көрсетілді.

Соңында Алматы қаласы Түрксіб ауданы «ЖАҢАРУ» РҚБ АГФ өкілі, отставкадағы полковник М. М. Ахметсафин Н.А. Искалиеваға сыбайлас жемқорлыққа қарсы іс-қимылға бағытталған белсенді қоғамдық жұмысы үшін Алғыс хат табыс етті.

04b64bf1 868b 4dfd b8fb 4eff688637e2   6b1e8b52 0094 4f15 a989 cbed2602e810   6d15cdc1 76ad 4d14 91f5 5aebb56ceabf