+7 (727) 267-28-83

cbh

28 сәуірде ҚР Ұлттық кітапханасының мамандары Новосибирск қаласында Ресей Ғылым академиясының Сібір бөлімшесінің (РҒА СБҒТББ) Мемлекеттік көпшілік ғылыми-техникалық кітапханасының базасында онлайн-форматта өткен "Цифрлық мәдениеттегі библиографиялық ақпарат" III Халықаралық библиографиялық конгрессіне қатысты.

ҚР Ұлттық кітапханасы директорының Ақпараттық технологиялар және инновациялар жөніндегі орынбасары Н.А. Искалиева "Қазақстан Республикасының Ұлттық кітапханасы – еліміздің жетекші ғылыми- библиографиялық орталығы" тақырыбында баяндама жасап, кітапханашылар үшін біліктілікті арттыру жұмысының мәселелерін ашты.

Ақпараттық ресурстар қызметінің жетекшісі Ф.У. Сыдыкжанова "Қазақстан: өткені мен бүгіні "Қазақстан Республикасының Ұлттық кітапханасының деректер базасында библиографиялық ақпаратты генерациялау" тақырыбы бойынша сөз сөйледі, онда "Қазақстан: өткені мен бүгіні" электрондық базасының қалыптасуы және библиографиялық көрсеткіштің шығарылуы туралы егжей-тегжейлі хабарлады.

Ұлттық библиография қызметінің топ жетекшісі А.Ш. Сайдембаеваның "Қазақстанның ұлттық библиографиясы: тарих және қазіргі заман" атты баяндамасы ұлттық библиографияның тарихы мен қазіргі жағдайына, сондай-ақ ретроспективті және ұсыныстық библиография бойынша көрсеткіштерді дайындау және басып шығару процесіне арналды, оның ішінде "Қазақстанның атаулы және еске алу күндерінің күнтізбесі" бар.

Конгресті ұйымдастырушылар: Ресей кітапханалар қауымдастығы, Ресей Ғылым академиясы Сібір бөлімшесінің Мемлекеттік көпшілік ғылыми-техникалық кітапханасы (Новосибирск), Ресей ұлттық кітапханасы (С-Петербург), Ресей мемлекеттік кітапханасы (Мәскеу), Ресейдің Мемлекеттік көпшілік ғылыми-техникалық кітапханасы (Мәскеу).

III халықаралық конгрес қатысушылары Ресей, АҚШ, Қазақстан және басқа да елдердің кітапханаларының басшылары мен мамандары, мәдениет және ғылым саласының қызметкерлері болды.

cbbh  

 

Сайтта

Қазір сайтта 222 қонақ отыр және бірде бір тіркелген пайдаланушы жоқ.