+7 (727) 267-28-83

«Қазақстан кітаптары» оқу залында Алматы қ. Қазақстан халқы Ассамблеясының Депозитарийі жанынан белгілі қазақстандық сыншы, әдебиеттанушы Виктор Владимирович Бадиковтың 80 жылдығына арналған кітап көрмесі ұйымдастырылды.

Владимир Бадиков 1939 жылы 15 тамызда Орынбор облысы Бузулук қаласында дүниеге келді. С.М.Кирова атындағы Қазақ мемлекеттік университетінің филология факультеті мен аспирантурасын (қазіргі әл-Фараби атындағы Қазақ ұлттық университеті) бітірген.

badik1964-1974 жж. В.Бадиков Алматы қ. Қазақ ауылшаруашылығы институтында оқытушы,  1981-1983 жж. Польша ЖОО-да профессор, 1974-2008 жж. Абай атындағы Қазақ  педагогикалық институтында (қазіргі Абай атындағы Қазақ ұлттық педагогикалық университет) тарих және әдебиет теориясының оқытушысы.

В.Бадиковтың негізгі әдеби  еңбектері  XX  ғасырдағы әлеуметтану және  қазақ, орыс әдебиеттерінің поэтикасы бойынша еді. Зерттеуі «Мәтін құрылымындағы авторлық сана және әлеуметтік тапсырыс» (2000) 1920 жылдардағы тыйым салынған әдебиеттер материалына негізделген «суретші және билік» мәселесіне арналған. Ол Қазақстандағы орта мектептерге арналған орыс әдебиеті бойынша бірқатар оқулықтардың бірлескен авторы болып табылады.

В.Бадиков – жазушының әлеуметтік рөлі туралы бірқатар сыни туындылардың, «Мазасыздық бар» атты өлеңдер жинағының авторы (қайтыс болғаннан кейін жарияланған). Филология ғылымдарының докторы,  профессор, ҚР жазушылар Одағының және ПЕН-клубтың мүшесі, жоғарғы мектептің көрнекті ұстазы, Қазақстандағы жетекші  әдебиеттанушылар мен сыншылардың бірегейі, мектептегі орыс әдебиеті  оқулықтары мен монографиялардың авторы. В. Бадиковтың жазған еңбектерінің барлығы республикамыздың мәдени мұрасының ажырамас және қажетті бөлігі болып табылады.

Сіңірген еңбегі үшін В. Бадиков «Еңбек ардагері» құрметті атағымен, «Қазақстан Республикасы ғылымының дамуына қосқан үлесі үшін» төсбелгімен (2001), үздік қызметі үшін «Сын және әдебиеттану» номинациясы бойынша Абай атындағы Халықаралық клубтың медалімен марапатталды.

Владимир Бадиков 2008 жылы 23 сәуірде Ақтау қаласында қайтыс болды.

Кітап көрмесінде ҚР Ұлттық кітапханасы қорынан ғалымның өмірі мен шығармашылығы туралы материалдар, оның ғылыми еңбектері, мақалалары мен достарының мерзімді басылым беттерінде жарияланған естеліктері ұсынылған.

         Кітап көрмесіне шақырамыз!