9 тамызда Қазақстан Республикасының Ұлттық кітапханасында 10 тамыз - Абай күніне арналған жыл сайынғы іс-шаралар циклі өтті.

ҚР Ұлттық кітапханасының алдындағы алаңда әдеби-музыкалық іс-шара өтті: оған Қазақстан Жазушылар Одағы төрағасының орынбасары Жақып Бауыржан Өміржанұлы; Құрманғазы атындағы Қазақ Ұлттық консерваториясының «Халық әні» кафедрасының доценті Шүкіман Еркін Тұрсынғалиұлы және консерваторияның төртінші курс студенті, Республикалық конкурстардың лауреаты Мадияр Өмірғали Абай әндерін орындады; Қазақстан Республикасы Мемлекеттік күзет қызметінің курсанттары Абай өлеңдерін оқыды; ҚР ҰК жас мамандарының қатысуымен «Абайдың жас ұрпаққа өсиеті» сахналық қойылымы; Әл-Фараби атындағы ҚазҰУ «Ұлағат» ғалым-әжелер тобы «Ақ кимешек» әнін орындады.

Іс-шараның барлық қатысушыларына кітаптар мен алғыс хаттар табысталды.

Іс-шараның модераторы -Қазақ радиосы мен «Шалқар» радиосының жүргізушісі Нәлібай Гүлмира Әділханқызы.