+7 (727) 267-28-83

4792a62f bb70 4e5c 82d1 8902bfab6f93

10 наурызда ҚР Ұлттық кітапханасында «Шәлкөде мектебі – 100 жыл: тарихы, бүгіні мен даму болашағы» атты офлайн және онлайн форматта республикалық ғылыми-тәжірибелік конференция өтті.

Конференцияның мақсаты – Шәлкөде мектебінің тарихы, бүгіні мен даму болашағының негізгі мәселелерін талқылау. Мектеп пен әлеумет арасында диалогтық алаң ұйымдастыру.

Конференцияны ҚР Ұлттық кітапханасының директоры Б.Қ. Оспанова ашып, Шәлкөде мектебі кітапханасының мамандарына Ұлттық кітапхананың марапаттарын табыстады. Шараны модератор – «Қазақ радиосы» және «Шалқар» радиосының Алматы филиалының басшысы, танымал журналист, ақын Бақыт Жағыпар жүргізді.

Шара аясында қатысушылар бір ғасыр тарихы бар мектептің мерейтойымен құттықтап, баяндамаларын оқыды. Өз кезегінде мектептің ардагер ұстаздары Ж. Мұқаев, Т. Алғазиев, Ә. Ақылбаев және түлектері сөз сөйлеп, өздерінің ізгі тілектерін білдірді. Онлайн форматта Ы. Алтынсарин атындағы Ұлттық білім академиясы Ауыл мектептерін және шағын жинақты мектептерді дамыту зертханасының меңгерушісі, ф.ғ.к. А.Н. Мукушева құттықтап, марапаттарын табыстады.

Конференцияға ғалымдар, ЖОО оқытушылары, сарапшылар, тарихшылар, PhD докторанттар, магистранттар, БАҚ өкілдері және студенттер қатысты.

59766584 280a 41a8 a969 19be85056f43   87ac817d 1123 4caa a902 6f82a39545ee    
a440e77c 8155 4a13 b687 e281dbb0f6b8   fde28176 8510 4182 9eed bae9d2667875   d332f90e 8088 4f23 8d10 671e613b8d9d