+7 (727) 267-28-83

1becf632 737b 4a3e 8e25 44dd699fe755

17 ақпанда А.Осмонов атындағы Қырғыз Республикасы Ұлттық кітапханасының Абай залында көрнекті жазушы, қазақ әдебиетіндегі детектив жанрының негізін қалаушы, драматург, қоғам қайраткері Кемел Тоқаевтың 100 жылдық мерейтойына орай «Түркі әлемінің детектив жанрының дарабозы» атты еске алу кеші және безендірілген кітап көрмесі ұйымдастырылды.

Іс-шара Қазақстан Республикасының Ұлттық кітапханасы мен белгілі кемелтанушы, зерттеуші Айжігітов Бақтығали Cақымқожаұлының бастамасымен және А.Осмонов атындағы Қырғыз Республикасының Ұлттық кітапханасының қолдауымен ұйымдастырылды.

ҚР Ұлттық кітапханасының директоры, Қазақстандық Кітапханалық Одақтың төрағасы Б.Қ. Оспанова бастаған қазақстандық делегация құрамында белгілі кемелтанушы Б.С.Айжігітов; термеші, жыршы, ҚР еңбек сіңірген қайраткері, Қазақ радиосындағы «Інжу-маржан» бағдарламасының авторы Қ.М.Зарлиев; «Қазақ радиосы» және «Шалқар» радиосының Алматы филиалының жетекшісі Б.Жағыпарұлы; ақын Талант Арынғали және Ұлттық кітапхана мамандары: Қ.М.Изамбекова, Ж.А.Әбдікерімова, Е.С.Қабдрашидов барды.

Іс-шараны «Қазақ радиосы» және «Шалқар» радиосының Алматы филиалының жетекшісі Бақыт Жағыпарұлы жүргізді. Мәдени шараның ашылу салтанатын айтыскер ақын Талант Арынғали арнаумен бастап, Қазақстан Елшілігінің кеңесші-елшісі Асхат Сыздықов, Қырғыз Республикасы Мәдениет, ақпарат, спорт және жастар саясаты министрлігі Мәдени мұраны сақтау және дамыту басқармасының бас маманы Мұратбеков Алмаз Үсенұлы, ҚР Ұлттық кітапханасының директоры Оспанова Бақытжамал Қайырбекқызы, А.Осмонов атындағы Қырғыз Республикасының Ұлттық кітапханасы директорының ғылым жөніндегі орынбасары Байсакова Нурия Раимовна, кемелтанушы Айжігітов Бақтығали Cақымқожаұлы, термеші, жыршы, Қазақ радиосындағы «Інжу-маржан» бағдарламасының авторы Зарлиев Қошан Мұстафаұлы сөз сөйледі.

Іс-шара аясында Қазақстан Республикасы Ұлттық кітапханасының қорынан Кемел Тоқаевтың өмірі мен шығармашылығына арналған «Түркі әлемінің детектив жанрының дарабозы» атты кең көлемді кітап көрмесі ұйымдастырылды. Кітап көрмесінде автордың шығармалары, оның редакторлығымен шыққан журналдар, мерзімді басылымдардағы мақалалары мен жарияланымдары, өмірі мен қызметі туралы материалдар ұсынылған. Кеште «Хабар» телеарнасы түсірген Кемел Тоқаевқа арналған «Өнегелі өмір» атты деректі фильмінің көрсетілімі ұсынылып, айтыскер ақын, Қазақ радиосындағы «Кітапхана» бағдарламасының жүргізушісі Талант Арынғали Абайдың «Көзімнің қарасы» әнімен іс-шараны қорытындылады. Сонымен қатар, Қазақстанның мәдени мұрасын басқа елдерде насихаттау мақсатында ҚР Ұлттық кітапханасының директоры Бақытжамал Оспанова кітапхананың айырбас-резервтік қорынан «Мәдени мұра» Мемлекеттік бағдарламасы аясында жарық көрген 260 дана кітапты Қырғыз Республикасының Ұлттық кітапханасының қорына сыйға тартты. Сондай-ақ, аталмыш кітапхана қорына кемелтанушы, зерттеуші Айжігітов Бақтығали Cақымқожаұлы «Кемел ағаның аманаты» кітабы мен «Кемелтану бағдарламасы» оқу құралын және термеші Зарлиев Қошан Мұстафаұлы «Інжу-маржан» хабарының Жолбарыс биге арналған шығарылымының аудиожазбасын сыйға тартты.

Өз кезегінде, А.Осмонов атындағы Қырғыз Республикасы Ұлттық кітапханасының атынан Қырғыз Республикасы Мәдениет, ақпарат, спорт және жастар саясаты министрлігі Мәдени мұраны сақтау және дамыту басқармасының бас маманы Мұратбеков Алмаз Үсенұлы Кемел Тоқаевтың 100 жылдығыа арналған іс-шараны ұйымдастырғаны үшін қазақстандық делегация мүшелеріне зор ризашылығын білдіріп, Алғыс хат табыстады және Қазақстан Республикасының Ұлттық кітапханасы қорына кітаптарды сыйға тартты.

4b6e095e c4e1 4297 84ea d148d04722d3   6c34f376 3693 4624 8ff8 7cda3a355d26   39b88005 2c10 42e0 a7e5 e1967a9bde09
fd272e25 ff4c 4ca9 bb85 22e0af8add2e   ac3e643a 8e1a 48c9 874f 247daaf4786e   13063475 8575 4353 9221 e472a2aae1d2   7c09023f a4c4 4dd8 9a30 eb677cff5aeb