+7 (727) 267-28-83

11111

26 қыркүйекте ҚР Ұлттық кітапханасы № 19 орта мектепте ұшқыш, Кеңес Одағының екі мәрте батыры, Екінші дүниежүзілік соғысқа қатысушы Талғат Бигелдиновтің туғанына 100 жыл толуына орай әдеби кеш өткізді.

Іс-шара «Қазақстандағы балалар жылы», «Оқитын ұлт» ұлттық жобасын жүзеге асыру аясында өтті. Сондай-ақ, Қазақстан Республикасы Ұлттық кітапханасының қорынан «Әуе шайқасының қаһарманы» атты көшпелі кітап көрмесі ұйымдастырылды.

Кітап көрмесінің мақсаты ─ батыр тұлғамызды жан-жақты насихаттау, жастарды отансүйгіштікке баулу, өскелең ұрпақты Талғат Бигелдиновтің ерлік жолымен таныстыру.

Кеш аясында ҚР Ұлттық кітапханасы «Қазақстан кітаптары» қызметінің кітапханашысы С. Жақсылықова мен Көрмелер және мәдени бағдарламалар қызметінің кітапханашысы М-Қ. Шархан кітап көрмесіне ұсынылған кітаптарға шолу жасады.

Іс-шараға Алматы қаласындағы № 19 орта мектептің ұстаздары мен әкімшілігі, оқушылары қатысты.

11121   1121   611d5719 0629 4bd9 b3c5 320cd218e296