+7 (727) 267-28-83

1559999

22 сәуір, сағат 10.00-де Қазақстан Республикасының Ұлттық кітапханасында Қазақстанда жарияланған Балалар жылы және Балалар мен жасөспірімдердің кітап оқуын қолдау жылы аясында әлемнің 100-ден астам елінде жыл сайын 23 сәуірде атап өтілетін Дүниежүзілік кітап және авторлық құқық күніне арналған «KITAP SHOY - 2022» ауқымды мерекелік іс-шарасы өтеді.

Іс-шараның мақсаты – жас ұрпақты жоғары оқу мәдениетіне баулу, кітапқа деген қызығушылығын ояту, оқу сауаттылығын дамытуға жәрдемдесу және оқырман белсенділігін арттыру.

 «KITAP SHOY - 2022» кітап мерекесі аясында жас музыканттарды, музыкалық және орта мектептердің, Оқушылар сарайының дарынды орындаушыларын, Алматы қаласы Мемлекеттік қуыршақ театрының әртістерін тартумен іс-шаралар циклы жоспарлануда.

Бағдарламада қамтылады:

– Қазақтың ұлы жазушысы М. Әуезовтің 125 жылдығына арналған «Мұхтар Әуезовтің мұрасы және отаншылдық рухы» атты әдеби кеш;

– Халық жазушысы Ә.Нұршайықовтың 100 жылдығына арналған «Әзілхан Нұршайықовтың «Махаббат, қызық мол жылдар» романының кейіпкерлер әлемі» атты дөңгелек үстел;

– Жазушы Сәуле Досжанмен кездесу;

-   Балаларға арналған интерактивті ертегі және квест (Алматы қ. Гёте-Институты);

– «Көпшілік алдында сөз сөйлеу өнері: қоғам мен камера алдындағы еркіндік және сенімділік» экспресс-тренингі (коуч Вероника Насальская);

– «Трансформа» мәдени кеңістігі көрсетіліміндегі иммерсивті аудиоқойылым;

– Воркшоп: «Шығармашылықты дамыту және жеке брендті құру» (спикер Андрей Орлов);

– «Бизнес орта» мотивациялық кездесу (спикер Сырымбек Тау).

Серіктестер:

– Қазақстан Республикасының Мәдениет және спорт министрлігі;

– Алматы қаласының Мәдениет басқармасы;

– Қазақстан Республикасындағы Ресей ынтымақтастық өкілдігі;

– Қазақстан Гете-Институты;

– «Трансформа» мәдени кеңістігі және Impact Hub Almaty;

– USW Network - Алматы жазушылар қоғамдастығы;

– «Damu Business Group» бизнес қауымдастығы;

– әл-Фараби атындағы Қазақ ұлттық университеті.

«KITAP SHOY`- 2022» аясында кітап жәрмеңкесі өтеді және басылымдар сыйға тартылады.

Іс-шараға ақын-жазушылар, баспагерлер, коучтер, бизнесмендер, оқушылар, колледждер мен жоғары оқу орындарының студенттері, оқытушылар, кітапханашылар, БАҚ өкілдері және т.б. қатысады.