2 ақпанда Қазақстан Республикасы Мәдениет және спорт министрі А.Р. Райымқұлова мен Қазақстан Республикасының Сыбайлас жемқорлыққа қарсы іс қимыл агенттігі (Сыбайлас жемқорлыққа қарсы қызмет) төрағасы А.Ж.Шпекбаевтың қатысуымен онлайн-кездесу өтті.

Кездесуге ҚР Ұлттық кітапханасының директоры Б.Қ. Оспанова, Қазақстан Жазушылар одағының төрағасы Ұ.Есдәулет, жазушы, ақын, журналист С.М.Досжан, Алматы қаласы Сыбайлас жемқорлыққа қарсы іс-қимыл агенттігінің Департаменті басшысының бірінші орынбасары Д.Т. Таумурат қатысты.

Шараның модераторы - ақын, Қазақстанның еңбек сіңірген қайраткері, Қазақстан Жазушылар одағының басқарма мүшесі Дәулеткерей Кәпіұлы.

Жиын аясында облыстық кітапханаларда ашылған «Парасат жолы» орталықтары арқылы парасаттылық идеологиясын ілгерілету бойынша Меморандумға қол қойылды.